Help y llywodraeth gyda chost gofal plant i rieni. P’un a oes gennych fabanod neu blant yn eu harddegau, gallech gael cymorth.
CYNNIG GOFAL PLANT I GYMRU
Mae’r cynnig Gofal Plant i Gymru yn rhoi cymorth i rieni a gofalwyr sy’n gweithio gyda chostau gofal plant. Mae’r Cynnig yn darparu 30 awr o addysg gynnar a gofal plant a ariennir gan Llywodraeth Cymru. Mae hyn yn cynnwys isafswm o 10 awr yr wythnos o addysg feithrin (y cyfeiriwyd ati’n flaenorol fel Meithrin y Cyfnod Sylfaen), gydag oriau gofal plant atodol a ariennir gan Lywodraeth Cymru hyd at gyfanswm o 30 awr yr wythnos.
- Mae plant tair a phedair blwydd oed yn gymwys ar gyfer y cynnig.
- Bydd pryd y mae plant, tair oed, yn gymwys i ddechrau yn dibynnu ar ddyddiad eu pen-blwydd.
- Bydd gofal plant ar gael nes bod plant yn dechrau mewn addysg llawn amser, fel rheol ym mis Medi ar ôl eu pen-blwydd yn bedair oed.
- I fanteisio ar y cynnig, bydd angen i’r ddau riant neu ofalwr (neu’r unig riant neu ofalwr mewn teulu un rhiant) ennill cyfwerth ag 16 awr yr wythnos ar yr isafswm cyflog perthnasol, yn dibynnu ar oedran, ac ni fyddant yn ennill mwy na £100,000 y pen bob blwyddyn. Neu byddant yn rhiant sydd mewn addysg neu hyfforddiant, wedi’u hymrestru ar gwrs mewn sefydliad Addysg Uwch (HE) neu Addysg Bellach (FE) cofrestredig sydd o leiaf yn 10 wythnos o hyd.
- Gallwch ddod o hyd i ragor o wybodaeth yma.
ADDYSG FEITHRIN yng NGHYMRU
Mae mynediad at addysg feithrin i blant 3 a 4 oed yng Nghymru yn gyffredinol yn rhad ac am ddim
- Mae gan eich plentyn hawl i gael o leiaf 10 awr yr wythnos o addysg feithrin wedi’i hariannu (y cyfeirir ati hefyd fel addysg gynnar).
- Gallai hyn fod mewn ysgol neu leoliad (a all fod yn feithrinfa, lleoliad gofal plant, grŵp chwarae wedi’i ariannu neu warchodwr plant) a gymeradwywyd gan eich awdurdod lleol.
- Byddai’ch plentyn yn dechrau addysg feithrin yn dilyn eu pen-blwydd yn dair oed. Bydd pryd maent yn dechrau yno yn dibynnu ar ddyddiad eu pen-blwydd.
- Mae rhagor o wybodaeth ar wefan eich awdurdod lleol neu yma.
Os nad ydych mewn gwaith, addysg neu hyfforddiant a’ch bod yn chwilio am waith, mae’n bosibl y byddwch yn gymwys i gael help gyda chostau gofal plant tra byddwch yn ymgymryd â hyfforddiant cysylltiedig â gwaith drwy Raglen Cymunedau dros Waith a Mwy Llywodraeth Cymru.Os nad ydych mewn swydd, addysg na hyfforddiant, gallai help fod ar gael drwy’r gwasanaeth Cymunedau dros Waith.
DECHRAU’N DEG CYMRU
Mae rhaglen Dechrau’n Deg yn rhan o ehangu’r ddarpariaeth blynyddoedd cynnar yn raddol i bob plentyn ddwy flwydd oed yng Nghymru.
Mae Dechrau’n Deg yn helpu teuluoedd gyda phlant sy’n iau na phedair blwydd oedd mewn ardaloedd difreintiedig yng Nghymru.
Mae’r help sydd ar gael yn cynnwys y canlynol:
- Gofal plant rhan-amser (12.5 awr yr wythnos) wedi’i ariannu o ansawdd uchel, sydd ar gyfer plant 2-3 blwydd oed. Gwasanaeth Ymwelwyr Iechyd o safon uwch.
- Mynediad at gefnogaeth i’r rhiant.
- Cymorth i ddatblygu Lleferydd, Iaith a Chyfathrebu
- Cysylltwch â’ch Gwasanaeth Gwybodaeth i Deuluoedd lleol i gael gwybod a ydych yn byw mewn ardal Dechrau’n Deg a pha gymorth a allai fod ar gael.